На 03.07.2014 почна исплата на субвенции за 2013-та

Владата преку Министерството за финансии од вчера (03.07.2014) започна со исплата на субвенциите за презимено пчелно семејство во 2013 година.

Засега, со оваа прва исплата опфатени се само 2632 пчелари.

Веста ја објави МИА (клик)

Календар на државниот пчелар

• 16 март 2014 година = Почеток на рокот за поднесување на Барање за добивање субвенции (Барањето за директни плаќања) (не важи и за пчеларите, т.е. тој рок е фактички на: 01 април 2014 година)

• 01 април 2014 година = Попис на бројот на презимени пчелни семејства. Не е објавен/дефиниран краен рок до кога треба да се изврши пријавување/заведување на оваа бројка во Регистерот (кај ветеринар) - но тоа мора да се направи ПРЕД да се поднесе Барањето за субвенција во подрачната служба на МЗШВ

• 31 мај 2014 година = Краен рок за поднесување на Барања добивање субвенции (Барање за директни плаќања)

• 31 мај 2014 година = Краен рок за поднесување на Барање за директни плаќања за премии за осигурување на (до 100) пч. семејства

• 30 јуни 2014 година = Краен рок за поднесување на барања за финансиска поддршка за набавени пчелни матици во 2014 година

• март 2015 година = Краен рок за почеток на исплата на средствата по Барањата за директни плаќања за 2014-та

П.С. Доколку имате предлог за внесување на нова информација/податок или корекција на објавениве, Ве молам, напишете Коментар.

Годишна наредба за 2014

Благодарение на колегата Благоја Конески, еве, може да ја прочитаме и годинешнава “Годишната Наредба за здравствена заштита на животните во 2014 година“

Можете да ја симнете и прочитате ако кликнете на овој линк: Годишна наредба за 2014.

Истата е поврзана со добивањето на субвенциите.

За среќа, можеме да кажеме дека малата група пчелари кои на крајот од минатата и почетокот на оваа година беше застапена во консултациите околу формулацијата на односот што државата ќе го има кон болеста Американска гнилеж (Стручна група за контрола на Американска чума кај пчелите) успешно си ја заврши работата - и го растовари СЕКОЈ пчелар од Македонија од ланскиот ветеринарски “данок“.

Мора да истакнам дека освен овие пчелари, кои беа прашани за мислење, исто така свое влијание имаа и наши колеги поединци, кои преку лични и партиски канали успеаја да дојдат до лицата кои беа надлежни да одлучуваат - и ја дообјаснија и допојаснија нашата, пчеларската позиција/состојба.

Инаку, во оваа наредба (на стр. 4) се наведува еден документ: “Правилник за мерките за сузбивање и искоренување на заразни болести кај пчелите“, што се уште не е објавен!

Две Програми значајни за субвенциите во 2014 (Трета епизода)

Првата програма која ја чекав да се појави во службен весник носи наслов:

ПРОГРАМА ЗА ФИНАНСИСКА ПОДДРШКА ВО ЗЕМЈОДЕЛСТВОТО ВО 2014 ГОД. (клик)

Оваа Програма беше објавена во Службен весник на РМ, бр. 15 од 27.01.2014 година


Заклучоци:

• Мерката под бр. 2.19 (Директни плаќања за регистрирано презимено пчелно семејство) ќе има краен рок за почеток на исплата на средствата во март 2015 год.

Субвенции во 2014 (Втора епизода)

Во Службениот весник на РМ бр. 10 од 20.01.2014 год. е објавена оваа:

Уредба за поблиските критериуми за директни плаќања, корисниците на средствата,максималните износи и начинот на директните плаќања за 2014 година 

Во оваа Уредба (стр. 8),  се прецизираат условите/критериумите од дел 3 (римски) на “Програмата за финансиска поддршка во земјоделството за 2014“ (Внимание! Не ја мешајте оваа Програма со другата, која носи наслов:“Програмата за финансиска поддршка во руралниот развој за 2014“)

Условите се следни:

Прашања без одговори

Има голем дел од нашите колеги-пчелари кои сметаат дека државата преку својот ветеринарски систем, треба да биде вклучена во борбата со заразната пчелна болест Американска Гнилеж.

Барајќи аргументи за тоа на кој начин овој систем од мерки за реакција, би имал, или немал, практично позитивно влијание на спречувањето на заразата, од искуствата во изминатите години и од ланската година, останаа некои прашања неодговорени.

Во 2013 година е извршено лабораториско испитување на мостри земени од 183 пчелни семејства во 91 пчеларници, од кои позитивно се идентификувани 70 мостри од пчелно легло на болеста Американска Гнилеж, кои потекнуваат од 9 пчеларници. 

Неодговорени прашањата во контекст на овој официјален факт се следниве:

Субвенции во 2014 (Прва епизода)

Сите колеги-пчелари кои се интересираат за тоа што и како ќе биде со субвенциите во 2014, од денес можат да го отворат и прочитаат ова “Известување за аспектите кои треба да бидат исполнети за остварување на правото на директни плаќања“ кое го објави Агенцијата за финансиска поддршка во земјоделството и руралниот развој.

Во точката со реден број 9, од ова известување, пишува дека барателот мора да ги исполнува барањата пропишани во “Листата на посебни минимални услови за добра земјоделска пракса и заштита на животната средина“ (клик) од 13-ти март на минатата 2013 година.

Државни пари кои можат да се трошат за болни пчели во 2014

Вчера во Службен весник на РМ, бр. 8 од 14.01.2014 година, како одлука на Влада на Република Македонија е објавен документот:

ПРОГРАМА ЗА КОРИСТЕЊЕ НА СРЕДСТВА ЗА ЗДРАВСТВЕНА ЗАШТИТА НA ЖИВОТНИТЕ ВО 2014 ГОДИНА (клик на линкот)

Еве неколку поважни заклучоци кои би можеле да се извлечат од овој документ.

Правилник за регистрација на пчеларници и пч. семејства за 2014

Пред 5 дена, во “Службен весник на РМ, бр. 4 од 09.01.2014 година“ е објавен овој:

ПРАВИЛНИК ЗА НАЧИНОТ И ПОСТАПКАТА ЗА ИДЕНТИФИКАЦИЈА И РЕГИСТРАЦИЈА НА ПЧЕЛИТЕ (клик на линков) 

Некои поважни заклучоци што произлегуваат од овој документ:

Пропишано е дека идентификациската табла најпрвин треба да биде бесплатно издадена од вет. друштво (ако се побара замена - таа се плаќа)

Наместо два пати, како што беше предвидено за лани, според овој правилник, попис на бројот на пчелни семејства ќе се врши само еднаш во годината: на 1-ви април.

Дали државата да интервенира при појава на Американска гнилеж?

Датум на објава 06 јануари 2014

За само два дена треба да се донесе одлука (на 8-ми јануари 2014) дали воопшто и ако да, на кој начин државата ќе интервенира при појава на болеста Американска гнилеж...

Бидејки јас сум вклучен во групата пчелари кои се прашани за мислење на оваа тема, сметав дека е важно што е можно повеќе пчелари да бидат вклучени во можноста некако да се интервенира при самото донесување на ваквата поприлично далекусежна одлука.