 |
Селекцијата на пчели со посакувани карактеристики е исклучително неисплатлива дејност за пчеларите од помалите држави (пазари), во кои спаѓа и Република Македонија.
Фото: А. Михајловски |
Иако веста беше објавена како да се работи за дополнителни субвенции за пчеларите - се работи, во најмала рака, за новинарски спин.
Пчеларите нема да добијат дополнително ништо.
Добитници на оваа финансиска поддршка (вкупно: 1600 ден. по пчелно семејство) ќе бидат само 3 пчелари/пчеларства во Македонија.
Очигледно е дека во практика повторно имаме РЕЗУЛТАТ од лобирање на дел од нашите колеги, на еден дел од одгледувачите на матици, кои успеале да ги убедат нашиве земјоделски власти дека нивните трошоци за селектирање и експериментирање се навистина преголеми.
И тоа, јас мора да потврдам, дека навистина е така!
Веројатно се работи за придобивка на пчеларската организација
“MacBee“ (клик), која е замислена како практична поддршка на академското пчеларско истражување предводено од Хрисула Кипријановска, Александар Узунов и нивните помлади колеги или студенти.
Веста гласи:
“Покрај субвенцијата од 600 денари за пчелно семејство, селекцијата на матици од македонската пчела „Apis macedonica“ ќе биде финансирана и од државата со дополнителни 1.000 денари.
Причина се големите трошоците кои се прават за тестирање и честите прегледи.
Овие активности доведуваат до намалување на продуктивност и до 50 проценти.
Цел е роењето и прихрана да се што е можно поблиски до условите што ги има во природата.
Од овој вид пчели има вкупно 300 семејства во три одобрени одгледувалишта на пчелни матици.“
Веста најпрвин беше објавена во емисијата Дневник на Македонската Радио Телевизија под наслов:
Дополнителни субвенции за пчеларите - МРТ (клик).
Комплетно видео клипот може да се види на
ОВОЈ ЛИНК (клик).
