Според последните усвоени промени на Статутот на здружението, дефинитивно е сигурно дека ќе има...
...Промена во раководењето со ПЗ “Матица“ од Скопје.
За Што се работи?
Годишно собрание на членовите на пчеларското здружение “Матица“ од Скопје - но овој пат ИЗБОРНО.
На Собранието, кое треба да биде и свечен чин и официјална средба на сите членови, ќе бидат избрани нови лица од членовите на здружението со платена членарина за 2014/2015, за функциите:
- 1 (еден) претседател на здружението
- 7 (седум) членови на Извршен одбор
- 3 (три) членови на Надзорен одбор
Во предложениот Дневен ред, од страна на актуелниот претседател Павле Бошкоски, додадени се и уште две точки за директно собраниско бирање на членови на уште два одбори - а не е познато со колкав број членови.
Овие предложени одбори се:
- Организационен одбор за организирање на манифестацијата “Денови на македонскиот мед“.
- Организационен одбор за организирање на еднодневни излети во земјата и странство
Кога?
Ова годишно а сега и изборно Собрание на членовите на “Матица“ е закажано да се одржи на 03.03.2015, год. (вторник).
Каде?
Собранието ќе биде во најголемата сала за состаноци на републичката Стопанска Комора на Р. Македонија, на 5-ти спрат. (До затворениот ресторан на Мек Доналдс).
Кој?
На собранието ќе имаат право да учествуваат, т.е. да предлагаат, да бираат, и бидат избрани само членови со платена членарина (400 ден.) за 2014/2015.
Како (учество, т.е. зачленување)?
Нема статутарно ограничување до кога може да се извршува зачленувањето/плаќањето, но тоа мора да се стори со директна уплата единствено на жиро-с/ка на здружението (т.е. во банка, пошта и сл.), па поради обврската да се подигнат изводи на плаќањата, веројатно е дека последниот рок за плаќањето да може да се направи, ќе биде ден-до-два порано.
За секој случај, заради разрешување на евентуални проблеми при верификацијата, препорачливо е секој да си ја понесе неговата копија од уплатницата.
Еве ги податоците потребни за пополнување на уплатницата:
Назив и седиште на примач:
ПЗ “Матица“ Скопје
Банка на примач:
Комерцијална Банка
Трансакциска с-ка:
300 00000 11855 70
Износ:
400,00
Цел на дознака:
Чланарина за ПЗ “Матица“ за 2014/2015
Ако сакате да имате влијание за да дојде до евентуални промени во идната работа на ова здружение, зачленете се и учествувајте!
П.С. На последниот состанок на здружението, кога беа изгласани некои промени во статутот, беше објавено дека јас (Александар Михајловски) ќе бидам еден од кандидатите за претседтел. Тоа е точно. Навистина ја прифатив поканата на една група од пчеларите членови, да бидам кандидиран.
